PDF - 533.5 KB
Informe La calidad del aire en el Estado español durante 2010

Ecoloxistes n'Acción presentó'l so informe sobre la calidá del aire nel Estáu español 2010. Ente les conclusiones más relevantes del trabayu, ye qu'un 87% de la población española alienda aire que supera los índices encamentaos pola Organización Mundial de la Salú.

En Asturies, Avilés, l'Oeste de Xixón, y, especialmente Llugones, siguen ensin cumplir la lexislación sobre calidá del aire.

Ecoloxistes n'Acción presentó'l so informe sobre la calidá del aire nel Estáu español 2010. Ente les conclusiones más relevantes del trabayu, ye qu'un 87% de la población española alienda aire que supera los índices encamentaos pola Organización Mundial de la Salú. Si atenemos a les llendes de contaminación que marca la lexislación, el porcentaxe de población afectáu sería del 37%, más de 17 millones de persones. A pesar de la gravedá de la situación, les Alministraciones nun tán adoptando les midíes necesaries pa solucionar esti problema.

L'estudiu, realizáu como cada añu por Ecoloxistes n'Aicción, analiza la calidá del aire qu'alienda la práctica totalidá de la población española (47,02 millones de persones en xineru de 2010). Los datos utilizaos provienen de los que faciliten les Alministraciones autonómiques a partir de les sos redes de midida de la contaminación.

Nel casu de Asturies los contaminantes que más problemes de salú orixinen, son les partícules en suspensión PM10, los sos valores rexistraos superen en tol territoriu los valores medios añales encamentaos pola OMS, y, inclusive en dos estaciones, la de Lugonés (43ug/m3) en Sieru y Mataderu n'Aviles (42ug/m3), superóse tamién el valor mediu añal dexáu pola normativa de 40 ug/m3. Amás, nestes estaciones la de Lugonés en Siero (105 superaciones) y Mataderu en Aviles (84 superaciones), xunto con les de Llanoponte n'Avilés (69 superaciones) y l'Avenida de l'Arxentina en Xixón (41 superaciones), produciéronse más superaciones de los valores llende diariu de les qu'establez la normativa. Nel casu de Llugones, el triple (máximu almitible, 35 díes al añu)

Resulta importante destacar que resultó imposible evaluar como afecten les partícules PM2,5 al nun haber datos públicos pa esti contaminante

Al igual que yá s'apreció en 2008 y 2009, nel 2010 rexístrase un pequenu amenorgamientu de los niveles de contaminación con al respective de años precedentes, daqué que –como vien apuntando esta organización ecoloxista– sigui asocediendo más por razones coyunturales que pola aplicación de midíes planiaes y empobinaes a ameyorar la calidá del aire.

Nel casu de Asturies ye na contaminación polos óxidos d'azufre, onde más se notó la meyora, frutu del cambéu de modelu enerxéticu, con un menor usu de les centrales térmiques de carbón, y de l'aplicación de meyores tecnolóxiques, como la plantes desulfuradotas, de toes formes, entá cumpliendo los valores llindes llegales, la situación falta de ser bona, con delles estaciones que superen llargamente'l valor llende diariu encamentáu pola OMS de 20 ug/m3, siendo la peor, la estación Avilesina de Mataderu, con 59 superaciones, siguida de les de Palaciu de Deportes (54), Llugones (53), Llaranes (34), Avenida de l'Arxentina (34), Plaza de Toros (26), Trubia (25) Pura Tomás (19), Llanoponte (7) y Mieres (6) superaciones que taríen rellacionaes especialmente cola actividá industrial, y col caltenimientu, entá significativu del funcionamientu de les centrales de Sotu y Aboño.

Con al respective de los óxidos de nitróxenu, son munches les estaciones, como Llanoponte, Palaciu de Deportes, Hermanos Felgueroso, Plaza de Toros, Constiutción, Plaza de Guitarra, Llugones Avenida de Castiella, Avenida Arxentina, Mataderu, Llaranes, Mieres, Sama o Meriñan, les que superen el valor añal de protección de los ecosistemes.

Ecoloxistes n'Aicción quier destacar que la contaminación del aire ye un asuntu bien grave –el Programa per un Aire Llimpiu n'Europa cifra en 19.940 el númberu de muertes prematures añales nel Estáu español, y nunes 400.000 les persones na Unión Europea de los 25 cada añu por esta mesma causa [1]–. A pesar d'ello, les Alministraciones nun tán tomando les midíes necesaries pa solucionalo. En particular:

  • Les superaciones de les llendes llegales vienen repitiéndose de forma sistemática nos últimos años. La Comisión Europea empecipió, en xineru de 2009, un procedimientu d'infracción contra España pol incumplimientu de la normativa sobre calidá del aire que ta a puntu de llevanos al Tribunal de Xusticia Européu.
  • La información al ciudadanu nun ye nin fayadiza nin afecha a la gravedá del problema.
  • Los Planes de Meyora de la Calidá del Aire y los Planes d'Acción p'amenorgar esta contaminación, obligatorios según la lexislación vixente, en munchos casos nun esisten, y n'otros apenes si tienen efectividá per falta de voluntá política d'acometer midíes estructurales. Estos planes son responsabilidá de les Comunidaes Autónomes y de los Conceyos. Pela so parte, el Ministeriu de Mediu Ambiente y Mediu Rural y Marín tampoco presentó'l so prometíu Plan Nacional de Meyora de la Calidá del Aire.

Ecoloxistes n'Aicción recuerda que les principales víes d'actuación p'amenorgar la contaminación del aire pasen pol amenorgamientu del tráficu motorizado, l'amenorgamientu de la necesidá de movilidá y la potenciación del tresporte públicu (n'especial l'eléctricu), amás de dar facilidaes a los medios non motorizados nes ciudaes. P'ameyorar l'aire de les zones industriales, la meyor estratexa ye l'adopción xeneralizada de les meyores tecnoloxíes industriales disponibles pal amenorgamientu de la contaminación.

Notas

[1] Dirección General de Medio Ambiente, Comisión Europea, 2005: CAFE CBA: Baseline Analysis 2000 to 2020. pág 105